monumenta.ch > Beda Venerabilis > sectio 101 > sectio 115
Word Selection for Searching
Report an Error in this Sectio
Ado Viennensis, Chronicon, 3, 115
Et in geminis Rebeccae duos populos, Christianos et Iudaeos, quorum minor Iacob lenis, in ipsa iam pueritia per cocturam rubram lenticulae, maiorem fratrem Esau hispidum supplantans, lenem mitemque signat populum Christianum, qui per cocturam rubram, Passionem scilicet Christi, sanguine rubratam, edaci ac saevienti Iudaeo populo, cuius curam gestabat Esau, primatus dignitatem illo vendente suscepit; ille quod nascendo habuit per concupiscentiam perdidit; Christianus per gratiam quod in natura non habuit, acquisivit.