monumenta.ch > Ado Viennensis > sectio 15

Word Selection for Searching

Report an Error in this Sectio
Ado Viennensis, Chronicon, 5, 15
Porro Hieronymus in Expositione prophetae Danielis ita dicit: Tradunt Hebraei huiusmodi fabulam usque ad septuagesimum annum, quo Ieremias captivitatem Iudaeorum dixerat esse solvendam, de quo et Zacharias in principio voluminis sui loquitur, irritam putans Dei pollicitationem Balthasar, falsumque promissum versus in gaudium, fecit grande convivium, insultans quodammodo spei Iudaeorum, et vasis templi; sed statim ultio consecuta est.