monumenta.ch > Hieronymus > bnfGrec107.801 > uwbM.p.th.f.68.92 > sectio 56
Word Selection for Searching
Report an Error in this Sectio
Ambrosius, De Officiis Ministrorum, 2, 11, 56
Sed etiam tertius locus de his qui admiratione digni aestimarentur, Ioseph, Salomonis et Danielis exemplo decursus videtur. Nam quid de Moyse loquar, cuius omnis Israel quotidie consilia praestolabatur, quorum vita fidem faciebat prudentiae, admirationemque eius augebat? Quis se non committeret consilio Moysi, cui seniores, si qua supra suum intellectum et virtutem esse arbitrarentur, diiudicanda servabant?