monumenta.ch > Cassiodorus > sectio 20
Word Selection for Searching
Report an Error in this Sectio
Cassiodorus, Expositio in Psalterium, 1, 31, 20
Sperantes autem in Domino misericordia circumdabit. Revera divina iustitia non sperantibus flagella, sperantibus autem in se misericordiam pollicetur, sicut et Ezechiel propheta dicit: Ego Dominus qui non sum malorum memor, tantum ut se avertat homo a via sua maligna, et ab omnibus iniquitatibus quas fecit, et vivet . Et bene dixit, circumdabit, ut non sit locus relictus unde possit ad eos diaboli hostilitas introire.