monumenta.ch > Hieronymus > sectio 27

Word Selection for Searching

Report an Error in this Sectio
Hieronymus, Commentarii, in Ionam, 2, 27
Abyssos autem perniciosas quasdam et pessimas fortitudines accipere debemus, vel tormentis suppliciisque deditas potestates, ad quas et in Evangelio daemones rogant ne ire cogantur . Unde et tenebrae erant super abyssum . Interdum abyssus accipitur et pro sacramentis ac profundissimis sensibus, et iudiciis Dei: Iudicia Domini abyssus multa . Et: Abyssus abyssum invocat, in voce cataractarum tuarum .