monumenta.ch > Hieronymus > sectio 6

Word Selection for Searching

Report an Error in this Sectio
Hieronymus, Commentarii, in Michaeam, 1, 1, 6
Et sit eis Dominus in testimonium, sive ut in Hebraico legitur, in testem, vel ut apertius interpretatus est Symmachus, testificans, et testificans non aliunde, nisi de domo sua, quae est Ecclesia, aut certe in Filio, id est, in Domino nostro Iesu Christo, qui vere templum est Patris: et de cuius ore loquitur Pater, viscera penetrans et medullas eorum, qui attendere voluerint et audire.