monumenta.ch > Petrus Blesensis > sectio 4

Word Selection for Searching

Report an Error in this Sectio
Petrus Blesensis, Epistulae, 125, 4
Scriptura est cithara David, per quam Saulis insania temperatur . Scriptura est vomer Samgar aratorius , quo terra nostri cordis excolitur, quo sexcenti sternuntur Philistaei, et in fugam alii convertuntur. Haec est maxilla asini, in qua Samson sitiens reficitur, et mille allophyli occiduntur . Sit ergo sacra lectio vobis cibus, gladius, medicina, requies.