monumenta.ch > Petrus Venerabilis > sectio 85
Word Selection for Searching
Report an Error in this Sectio
Petrus Venerabilis, Epistulae, 3, 7, 85
Manet enim quod supra scriptum est: Non me videbit homo, et vivet . Videbant enim eum angeli sicuti est, videbat eum mater Virgo, plusquam ab aliquo mortaliter vivente videri poterat. Videbat ipsa eum plena gratia, plena Deo, plena virtutibus, plena Spiritu sancto et virtute Altissimi, fide et incomparabili divini amoris plenitudine; videbant eum beati illi spiritus non fide, sed re, non ut homo per speculum et in aenigmate, sed facie ad faciem.