monumenta.ch > Petrus Venerabilis > sectio 5

Word Selection for Searching

Report an Error in this Sectio
Petrus Venerabilis, Epistulae, 4, 40, 5
Facimus hoc nos aliquando, faciunt hoc nostri saepius: facite idem et vos, si placet, cuius illi mortui veraces amici erant, quem sinceriter diligebant, quem toto affectu colebant. Facite hoc non solum ut monachus, sed quod multo maius est, ut episcopus, id est ut non solum eos propriis precibus adiuvetis, sed insuper subditorum vestrorum orationibus eos Omnipotentis misericordiae commendetis.