monumenta.ch > Plinius > sectio 41

Word Selection for Searching

Report an Error in this Sectio
Plinius, Naturalis Historia, 5, 41
{VII} Insulas non ita multas complectuntur haec maria. clarissima est Meninx, longitudine XXV latitudine XXII ab Eratosthene Lotophagitis appellata; oppida habet duo, Meningen ab Africae latere et altero Thoar, ipsa a dextro Syrtis Minoris promunturio passibus MD sita. ab ea C p. contra laevum Cercina cum urbe eiusdem nominis libera, longa XXV lata dimidium eius, ubi plurimum, at in extremo non plus V huic perparva Carthaginem versus Cercinitis ponte iungitur.