monumenta.ch > Plinius > sectio 190
Word Selection for Searching
Report an Error in this Sectio
Plinius, Naturalis Historia, 10, 190
{LXXXVII} quae autem per se generantur, si in mares et feminas discripta sunt, generant quidem aliquid coitu, sed inperfectum ac dissimile et ex quo nihil amplius gignatur, ut vermiculos muscae. id magis declarabit natura eorum quae insecta dicuntur, arduae explanationis omnia et privatim dicato opere narranda, quapropter ingenium praedictorum et reliqua subtexetur edissertatio.