monumenta.ch > Plinius > sectio 265

Word Selection for Searching

Report an Error in this Sectio
Plinius, Naturalis Historia, 18, 264
{LXVIII} Solstitium peragi in octava parte cancri et VIII kal. Iul. diximus. magnus hic anni cardo, magna res mundi. in hoc usque a bruma crescunt dies [creverunt sex mensibus], sol ipse ad aquilonem scandens ac per ardua enisus ab ea meta incipit flecti ac degredi ad austrum, aucturus noctes aliis sex mensibus ablaturusque diei mensuram.