Hrabanus Maurus Hrabanus Maurus, De Universo, 3, 1, 73 Ad cuius sapientiam audiendam regina venit Aethiopiae, hoc est, Ecclesia de gentibus. Haec ergo ad pacificum nostrum et amabilem Domino, de quo Pater ait: Hic est Filius meus dilectus, in quo mihi bene complacui, ut audiret sapientiam eius, venit de ultimis terrae finibus, et audito eo, visisque ministeriis eius, in laudem ipsius prorupit dicens: Beati viri tui, et beati servi tui, qui stant coram te semper, et audiunt sapientiam tuam.