monumenta.ch

Beda Venerabilis Beda Venerabilis, De Arte Metrica, 11, 4
Nam et Prosper mutato hoc ordine, fecit versum decentissimum:

Moribus in sanctis pulchra est concordia pacis.

Et item,

Lex aeterna Dei stabili regit omnia nutu, Nec vario mutat tempore consilium.

Et Lucanus poeta veteranus, Caesaris et Pompeii praelia descripturus, ita incipit:

Bella per Aemathios plus quam civilia campos, Iusque datum sceleri canimus, populumque potentem, In sua victrici conversum viscera dextra. Cumque superba foret Babylon spolianda tropaeis Ausoniis, umbraque erraret Crassus inulta, Bella geri placuit nullos habitura triumphos.

E-Mail Address (Optional)

SPAM Barrier

Please enter the following three letters into the field below