Plinius Plinius, Naturalis Historia, 3, 129 {XIX} Histria ut paeninsula excurrit. latitudinem eius XL|ol, circuitum ol|CXXV prodidere quidam, item adhaerentis Liburniae et Flanatici sinus, alii CCXXV, alii Liburniae CLXXX. nonnulli in Flanaticum sinum Iapudiam promovere a tergo Histriae CXXX, dein Liburniam CL fecere. Tuditanus, qui domuit Histros, in statua sua ibi inscripsit: AN AQVILEIA AD TITIVM FLVMEN STADIA MM. oppida Histriae civium Romanorum Agida, Parentium, colonia Pola, quae nunc Pietas Iulia, quondam a Colchis condita; abest a Tergeste CV. mox oppidum Nesactium et - nunc finis Italiae - fluvius Arsia. ad Polam ab Ancona traiectus CXX p. est.