Plinius Plinius, Naturalis Historia, 4, 17 {V} Qui sequitur sinus ad Scyllaeum Argolicus appellatur, traiectu L|ol, idem ambitu ol|CLXII. oppida Boea, Epidaurus Limera cognomine, Zerax, Cyphans portus. amnes Inachus, Erasinus, inter quos Argos Hippium cognominatum supra locum Lernen a mari MM, novemque additis milibus Mycenae et ubi fuisse Tiryntha tradunt et locus Mantinea. montes Artemisius, Apesantus, Asterion, Parparus aliique XI numero. fontes Niobe, Amymone, Psamathe.