Plinius Plinius, Naturalis Historia, 12, 131 {LX} cum sunt acini ciceris magnitudine, ante canis ortum, in prima lanugine demetitur uva eiusque melligo. reliquum corpus sole coquitur - nocturni rores caventur in fictili conditae -; melligo subinde et Cyprio aere servatur. optima quae rufa acriorque et aridior. pretium omphacio in libras #img|denarius.gif|img# VI. fit et alio modo, cum in mortariis uva inmatura teritur siccataque in sole postea digeritur in pastillos.