Plinius Plinius, Naturalis Historia, 14, 66 {VIII} Quartum curriculum publicis epulis optinuere a Divo Iulio - is enim primus auctoritatem iis dedit, ut epistulis eius apparet - Mamertina circa Messanam in Sicilia genita; ex iis Potulana, ab auctore dicta illo cognomine, proxima Italiae laudantur praecipue. est in eadem Sicilia et Tauromenitanis honos lagonis pro Mamertino plerumque subditis.