Hieronymus Hieronymus, Commentarii, in Ionam, 2, 26 Unde secundum illud quod supra diximus, loquitur Dominus in Psalmo: Salvum me fac, Domine, quoniam intraverunt aquae usque ad animam meam. Et in alio loco: Torrentem pertransiit anima nostra. Et: Ne urgeat super me puteus os suum, neque concludat infernus; non mihi deneget exitum, qui sponte descendi, sponte conscendam, qui voluntarius captivus veni, debeo deliberare captivos, ut impleatur illud: Ascendens in altum captivam duxit captivitatem eos enim qui ante captivi fuerant in morte, iste cepit ad vitam.