Hieronymus Hieronymus, Commentarii, in Ionam, 2, 43 Ego autem in voce laudis immolabo tibi: quaecumque vovi reddam pro salute Domino. LXX: Ego autem cum voce laudis et confessionis immolabo tibi, quaecumque vovi reddam tibi salutare Domino. Qui custodiunt vanitates, suam misericordiam reliquerunt: ego autem qui pro multorum salute devoratus sum, in voce laudis et confessionis immolabo tibi, meipsum offerens: quia Pascha nostrum immolatus est Christus. Et quasi verus pontifex et ovis seipsum pro nobis obtulit.