Beda Venerabilis Beda Venerabilis, In Lucae Evangelium Expositio, 3, 8, 73 Is ut vidit Iesum, procidit ante illum. Et exclamans voce magna dixit: Quid mihi et tibi est, Iesu Fili Dei altissimi? Quanta Arii vesania, Iesum creaturam et non Deum credere, quem Filium Dei altissimi daemones credunt et contremiscunt! Quae impietas Iudaeorum eum dicere in principe daemoniorum eiecisse daemonia, quem ipsa daemonia fatentur nihil secum habere commune?