Plinius Plinius, Naturalis Historia, 8, 8 {IV} dentium candore intelligitur iuventa. circa hos belvis summa cura: alterius mucroni parcunt, ne sit proeliis hebes, alterius operario usu fodiunt radices, inpellunt moles; circumventique a venantibus primos constituunt quibus sint minimi, ne tanti proelium putetur, postea fessi inpactos arbori frangunt praedaque se redimunt.