Plinius Plinius, Naturalis Historia, 10, 135 {LXIX} Venerunt in Italiam Bedriacensibus bellis civilibus trans Padum et novae aves - ita enim adhuc vocantur -, turdorum specie, paulum infra columbas magnitudine, sapore gratae. Baliares insulae nobiliorem etiam supra dicto porphyrionem mittunt. ibi et buteo accipitrum generis in honore mensarum est, item vibiones; sic vocant minorem gruem.