Plinius Plinius, Naturalis Historia, 10, 177 {LXXXIII} Canum plura genera. Laconicae octavo mense utrimque generant; ferunt LX diebus et plurimum III. ceterae canes et semenstres coitum patiuntur. implentur omnes uno coitu. quae ante iustum tempus concepere, diutius caecos habent catulos, et omnes totidem diebus. existimantur in urina attollere crus fere semenstres; id est signum consummati virum roboris. feminae hoc idem sidentes.