Plinius Plinius, Naturalis Historia, 10, 179 {LXXXIII} Felium et ichneumonem reliqua ut canum. vivunt annis senis. dasypodes omni mense pariunt et superfetant, sicut lepores. a partu statim inplentur; concipiunt quamvis ubera siccante fetu. pariunt singulos magnitudine vituli trimenstris. cameli XII mensibus ferunt; a trimatu pariunt vere iterumque post annum inplentur a partu.