Plinius Plinius, Naturalis Historia, 20, 77 {XXXII} cum polenta silvestrium radices stomachi causa sorbentur, et cardiacis inlinuntur super sinistram mammam et ex aceto. omnes hae et podagricis utiles et sanguinem reicientibus, item quibus genitura effluat, alterno dierum potu. Petronius Diodotus, qui ἀνθολογούμενα scripsit, in totum damnavit serim multis modis arguens, sed aliorum omnium opinio resistit.