Plinius Plinius, Naturalis Historia, 27, 92 {LXVI} Hippophaeston nascitur in spinis, ex quibus fiunt aenae fulloniae, sine cauliculo, sine flore, capitulis tantum inanibus et foliis parvis, multis, herbacei coloris. radiculae albae, molles. sucus earum exprimitur aestate ad solvendam alvum III obolis, maxime in comitialibus morbis et tremulis, hydropicis, contra vertigines, orthopnoeas, paralysis incipientes. -