Plinius Plinius, Naturalis Historia, 28, 206 {LVIII} datur et sebum vitulinum aut bubulum, item medulla - et coquitur cum farinae ceraeque exiguo et oleo, ut sorberi possit, medulla et in pane subigitur -, lac caprinum ad dimidias partes decoctum; si sint et tormina, additur protropum. torminibus satis esse remedii in leporis coagulo poto e vino tepido vel semel arbitrantur aliqui; cautiores caprino cum farina hordeacea et resina ventrem inlinunt.