Plinius Plinius, Naturalis Historia, 23, 128 {LXIV} cum melle foliis ceria sanant et canis morsus recentes, cum vino phagedaenas; cum papaveris foliis ossa extrahunt. grossi caprifici inflammationes discutiunt suffitu - resistunt et sanguini taurino poto et psimithio et lacti coagulato potae -, item in aqua decoctae atque inlitae parotidas. cauliculi aut grossi eius quam minutissimae ad scorpionum ictus e vino bibuntur.