Plinius Plinius, Naturalis Historia, 33, 98 {XXXI} argenti vena in summo reperta crudaria appellatur. finis antiquis fodiendi solebat esse alumen inventum; ultra nihil quaerebatur. nuper inventa aeris vena infra alumen nullam finem spei fecit. odor ex argenti fodinis inimicus omnibus animalibus, sed maxime canibus. - Aurum argentumque quo mollius, eo pulchrius. lineas ex argento nigras praeduci plerique mirantur.