Plinius Plinius, Naturalis Historia, 33, 155 {LV} Varro se et aereum signum eius habuisse scribit. proximi ab eo in admiratione Acragas et Boethus et Mys fuere. exstant omnium opera hodie in insula Rhodiorum, Boethi apud Lindiam Minervam, Acragantis in templo Liberi patris in ipsa Rhodo Centauros Bacchasque caelati scyphi, Myos in eadem aede Silenos et Cupidines. Acragantis et venatio in scyphis magnam famem habuit.