Notkerus Balbulus Notkerus Balbulus, Martyrologium, 9, 5, 3 Apud Africam natalis sanctorum confessorum et episcoporum Donatiani, Praesidii, Mansueti, Germani, Fusculi, qui persecutione Wandalica, iussu Hunnici regis Ariani, crudeliter fustibus caesi, exsilio damnati sunt. Inter quos etiam episcopus, nomine Laetus, incendio consumptus est. Tunc idem tyrannus una die universas Africae clausit ecclesias, omnemque episcoporum substantiam suis episcopis condonavit.