Hildebertus Cenomanensis Hildebertus Cenomanensis, Sermones, p2, 71, 2 ยป Quia fidelibus, fratres charissimi, de mysterio crucis locuturi sumus, ideo non credimus vos stultitiam iudicaturos, Deum vobis crucifixum praedicare; infidelibus autem, quibus Deus consilii sni arcana non revelavit, iis quidem pereuntibus, ut ait Apostolus, stultitia est, Deum omnium creatorem et immortalem, mortuum esse praedicare, et in tam vili supplicio, sicut crux erat eo tempore, suspensum fuisse affirmare.