Petrus Blesensis Petrus Blesensis, Epistulae, 80, 9 Cui Socrates: Esto, inquit, ut Thersites: in quo manifestissime declaravit, ibi deesse invidiam, ubi virtutum gratia non adesset. Innocentia Christi stimulos invidiae non evasit. Unde et Pilatus quandoque agnovit, quod per invidiam tradidissent: eum. Nonne hic est fabri filius? dicebant. Non est hic homo a Deo, qui Sabbatum non custodit. In Beelzebub principe daemoniorum eiicit daemonia. Quem non urerent verba haec, quae de fornace invidiae procedebant?