Hrabanus Maurus Hrabanus Maurus, Martyrologium, 7, 28 V KAL. Romae, Victoris papae et martyris, qui constituit in Ecclesia ut faciente necessitate ubi inventum esset, sive in flumine, sive in fonte, sive in mari, tantum Christianae credulitatis confessione declarata, quicunque hominum veniens ex gentili baptizaretur: et sepultus est iuxta corpus beati Petri apostoli in Vaticano. Eodem die Romae depositio sancti Innocentii papae. Hic constitutum fecit de omni Ecclesia, et de regulis monasteriorum, et de Iudaeis, et de paganis, et multos Cataphrygas invenit, quos exsilio monasterio relegavit; et hic invenit Pelagium, et Coelestinum haereticos, et damnavit eos, et hoc constituit ut qui nati fuerint de Christiano denuo nasci per baptismum, hoc est baptizari, quod Pelagius damnavit.