Ambrosius Ambrosius, De Officiis Ministrorum, 2, 21, 104 Quod Abrahae laudi est datum, qui ante ianuam suam speculabatur, ne forte praeteriret peregrinus aliquis: et diligenter praetendebat excubias, ut occurreret, ut praeveniret, ut rogaret, ne transiret hospes, dicens: Domine, si inveni gratiam ante te, ne praeterieris puerum tuum. Et ideo pro hospitalitatis mercede fructum posteritatis recepit.