Beda Venerabilis Beda Venerabilis, De Temporum Ratione, 66, 98 Sedechias qui et Mathias, filius Iosiae annis XI. Huius anno undecimo, regis autem Babylonis decimo nono, Iudaea captivata in Babyloniam, et templum Domini incensum est, anno ex quo fundari coepit CCCCXXX. Qui autem reliqui fuerant Iudaei transfugerunt in Aegyptum, qua post annos V percussa a Chaldaeis, in Babyloniam sunt et ipsi transmigrati.