Beda Venerabilis Beda Venerabilis, De Temporum Ratione, 66, 207 Hac persecutione Cyprianus Carthaginensis episcopus, cuius doctissima exstant opuscula, martyrio coronatur: cuius vitae et passionis volumen egregium reliquit Pontius diaconus eius, qui usque ad diem passionis eius cum ipso exilium sustinuit. Theodorus, cuius supra meminimus, cognomento Gregorius, Neocaesareae Ponti episcopus, magna virtutum gloria claret.