Beda Venerabilis Beda Venerabilis, De Temporum Ratione, 66, 230 Iovianus mensibus VIII. Synodus Antiochiae a Meletio et suis facta, in qua, omousio anomoioque reiecto, medium inter haec omoiousion Macedonianum dogma vindicaverunt. Iovianus, lapsu Constantii praedecessoris admonitus, honorificis et officiosissimis litteris Athanasium requirit, ab ipso formam fidei et Ecclesiarum disponendarum suscepit modum: Sed eius pia laetaque principia mors immatura corrupit.