Cassianus Cassianus, Collationes, 2, 15, 10, 5 Maior quippe est virtus ac sublimior gratia, internam libidinem carnis exstinguere, quam nequitias daemonum extrinsecus irruentes, signo Domini ac virtutis Altissimi potentia subiugare, vel de obsessis corporibus nominis divini invocatione propellere. Huc usque abbas Nesteros orationem de vera charismatum operatione consummans, nos ad cellam senis Ioseph, quae sex ferme millibus ab ipso erat, properantes, doctrinae suae institutione prosecutus est.