monumenta.ch

Hrotsvita Gandeshemensis Hrotsvita Gandeshemensis, Hagiographica, p7, 1

En tibi versiculos, Gerberg, fero, domna, novellos,

Iungens praescriptis carmina carminulis,

Qualiter et veniam meruit scelerosus amandam,

Congaudens modulis succino dactilicis;

Spernere quos noli, nimium cum sint vitiosi,

Sed lauda miti pectore facta dei!

Qui velit exemplum veniae comprendere certum

Necnon larga dei pietatis munera magni,

Pectore versiculos submisso perlegat istos,

Nec fragilem vilis sexum spernat mulieris,

Quae fragili modulos calamo cantaverat istos,

Sed mage caelestem Christi laudet pietatem,

Qui non vult digna peccantes perdere poena,

Sed plus perpetuae conversos reddere vitae:

Gaudens gaudebit; quod verum stare probabit,

Quisquis praesentem perscrutatur rationem.

E-Mail Address (Optional)

SPAM Barrier

Please enter the following three letters into the field below