Plinius Plinius, Naturalis Historia, 37, 131 {XLVII} Proxima candicantium est asteria. principatum habet proprietate naturae, quod inclusam lucem pupilla quadam continet. hanc transfundit cum inclinatione velut intus ambulantem alio atque alio loco reddens. eadem contraria soli regerit candicantes radios in medum stellae, unde nomen invenit. difficiles in India natae ad caelandum. praeferuntur Carmanicae.