Plinius Plinius, Naturalis Historia, 37, 160 {LVIII} Erythallis, cum sit candida, ad inclinationes rubescere videtur. - Erotylos sive amphicomos sive hieromemnon Democrito laudatur in argumentis divinationum. - Eumeces in Bactris nascitur, silici similis, et capiti supposita visa nocturna oraculi modo reddit. - Eumitren Beli gemmam, santissimi deorum sui, Assyrii observant, porracei coloris, superstitionibus gratam. -