monumenta.ch

Seneca Maior Seneca Maior, Controversiae, 9, 2, 21
GALLUS VIBIUS dixit: 'meretrix oravit. ' timebam mehercules, ne exorasset, ut aut indemnatus (occideretur aut damnatus) viveret. Ex altera parte multa bene dicta sunt, multa corrupte. in descriptione supplici utique illi, qui voluerunt omnia legitima supplici verba in sententias trahere, in vitia inciderunt, tamquam dixit TRIARIUS: 'summove'; audis, lictor? summove a praetore meretricem. hoc non male adiecit: 'verbera'; sed vide, ne virgae tuae pocula nostra disturbent. +Silo Pompeius+ dixit: 'despolia'; meretrix, agnoscis hoc verbum? certe provincia agnoscit.

E-Mail Address (Optional)

SPAM Barrier

Please enter the following three letters into the field below