| 1 | Interea superveniens cum exercitu Caedualla, iuvenis strenuissimus [De Regio genere. Fuit hic Caedualla Cynbercti filius, Ceaddae nepos, Cuthae sive Cuthuini pronepos, Ceaulini magni abnepos. Tres enim filios habuit Cuthuinus, Ceaddam Caeduallae avum, Cutham Inae proavum, et Cynibaldum Osualdi Clitonis avum.] de regio genere Geuissorum, cum exularet a patria sua, interfecit regem Aedilualch, ac provinciam illam saeva caede ac depopulatione attrivit [DCLXXXV]; sed mox expulsus est a [Ducibus. Cantio cum veterano exercitu redeuntibus.] ducibus regis, Bercthuno et [Note: Andhuno. Florentius Aedilhunum vocat.] Andhuno, qui deinceps regnum provinciae tenuerunt: quorum prior, postea ab eodem Caedualla, cum esset rex Geuissorum, occisus est, et provincia graviore [Al. add. est] servitio subacta [DCLXXXVI]. Sed et Ini qui [Al., is qui] post Caeduallam regnavit, simili provinciam illam adflictione plurimo annorum tempore mancipavit. Quare factum est ut toto illo tempore episcopum proprium habere nequiret [Al., nequiverit]; sed revocato domum Uilfrido primo suo antistite, ipsi episcopo Geuissorum, id est, Occidentalium Saxonum qui essent [In Venta. Ibi tunc temporis fuit Haedda episcopus. De quo Theodorus in suis Decretis: «Nolumus, imo nobis non convenit, ipso fratre nostro sanctissimo Haedda superstite, qui Ecclesiam Uentanam tam insigniter nobilitavit, auctoritate summi pontificis Agathonis transferendo corpus beatissimi Birini Occidentalium Saxonum apostoli a Villa Dorcacaestrensi ubi reconditum erat, una cum sede in Uentanam civitatem, cuius etiam labore ac studio, apostolicoque mandato, ex tunc primo confirmata est in ipsa civitate sedes episcopalis dignitatis, Parochiam suam in aliquo laedere diminuendo.» De Caedualla vide plura IV, 12, et V, 7. SMITH. In Venta. Sic Trev. Cod. cum edit. Anglosaxonica, pro eo quod habent caeteri vulgati omnes, inventi in civitate. CHIFFL.] in Venta civitate, subiacerent. |