| 1 | In Mauritania Caesariense, natale sanctorum Timothei, Polii et Eutychii diaconi, qui apud praefatam regionem verbum Domini disseminantes, pariter coronari meruerunt. Item apud Caesaream Cappadociae natale sanctorum Poliveti, Victorii, Donati. In Africa Casti et Aemilii qui per ignem passionis martyrium consummaverunt. Scribit Cyprianus in libro de Lapsis. Apud Corsicam natale sanctae Iuliae, quae crucis supplicio coronata est: et sancti Valentis martyris et pontificis, cum tribus pueris. |