| 1 | Natale sanctorum martyrum Cypriani episcopi et Iustinae virginis. Quorum Iustina sub Diocletiano multa propter Christum perpessa, ipsum quoque Cyprianum cum esset magus, et magicis artibus eam dementare conaretur, convertit ad Christum. Cum quo iam episcopo et nobili doctore facto, martyrizata est sub Claudio principe, et iudice Eutelmio, et cum eis Theognitus quidam: quorum corpora iacuerunt proiecta foris sex diebus insepulta. Quidam autem nautae Christiani nocte rapuerunt ea, et deportaverunt ad urbem Romam, et matrona venerabilis Rufina reverenter excipiens illa sepelivit in praedio suo. |