monumenta.ch > Hieronymus > Psalmi, 35
Hieronymus, Psalmi, 34 <<<     >>> 36

Psalmus 35 HIDE LINKS TO MANUSCRIPTS

bnf11947.64 v
1 in finem servo Domini David
2 dixit iniustus ut delinquat in semet ipso non est timor Dei ante oculos eius
3 quoniam dolose egit in conspectu eius ut inveniatur iniquitas eius ad odium
4 verba oris eius iniquitas et dolus noluit intellegere ut bene ageret
5 iniquitatem meditatus est in cubili suo adstetit omni viae non bonae malitiam autem non odivit
6 Domine in caelo misericordia tua et veritas tua usque ad nubes
7 iustitia tua sicut montes Dei iudicia tua abyssus multa homines et iumenta salvabis Domine
8 quemadmodum multiplicasti misericordiam tuam bnf11947.65 r Deus filii autem hominum in tegmine alarum tuarum sperabunt
9 inebriabuntur ab ubertate domus tuae et torrente voluntatis tuae potabis eos
10 quoniam apud te fons vitae in lumine tuo videbimus lumen
11 praetende misericordiam tuam scientibus te et iustitiam tuam his qui recto sunt corde
12 csg75.471 non veniat mihi pes superbiae bnf11947.65 v et manus peccatoris non moveat me
13 ibi ceciderunt qui operantur iniquitatem expulsi sunt nec potuerunt stare


© 2006 - 2022 Monumenta Informatik