monumenta.ch > Hieronymus > Matthaeus, 18
Hieronymus, Matthaeus, 17 <<<     >>> 19

Caput 18 HIDE LINKS TO MANUSCRIPTS

bnf9389.49 ruwb68.46 v
1 in illa hora accesserunt discipuli ad Iesum dicentes quis putas maior est in regno caelorum
2 et advocans Iesus parvulum statuit eum in medio eorum
3 et dixit bsb6573.46 v amen dico vobis nisi conversi fueritis et efficiamini sicut parvuli non intrabitis in regnum caelorum
4 quicumque ergo humiliaverit se sicut csg51.45 parvulus iste hic est maior in regno caelorum
5 et qui susceperit unum parvulum talem in nomine meo me suscipit
6 qui autem scandalizaverit unum bnf17226.66 de pusillis istis qui in me credunt expedit ei ut suspendatur mola asinaria in collo eius et demergatur in profundum maris
7 vae mundo ab scandalis necesse est enim ut veniant scandala uwb68.45 v verumtamen uwb1.202 vae homini per quem scandalum venit
8 si autem manus tua vel pes tuus scandalizat te abscide eum et proice abs te bonum tibi est ad vitam ingredi debilem vel clodum bsb6573.47 r bnf9389.48 r quam duas csg48.74 manus vel duos pedes habentem mitti in ignem aeternum
9 et si oculus tuus scandalizat te erue eum et proice abs te bonum tibi est unoculum in vitam intrare quam duos oculos habentem mitti in gehennam ignis
10 videte ne contemnatis unum ex his pusillis dico enim vobis quia angeli eorum in caelis semper vident faciem Patris mei qui in caelis est
11 venit enim Filius hominis salvare quod perierat
12 quid vobis videtur si fuerint alicui centum oves et erraverit una ex eis nonne relinquet nonaginta novem in montibus et vadit quaerere eam quae erravit
13 et si contigerit ut inveniat eam bsb6573.47 v amen dico vobis quia gaudebit super eam magis quam super nonaginta novem quae non erraverunt
14 sic non est voluntas ante Patrem vestrum qui in caelis est ut pereat unus de pusillis istis
15 si autem peccaverit in te frater tuus vade et corripe eum inter te et ipsum solum si te audierit lucratus uwb1.211 es fratrem tuum
16 si autem non te audierit adhibe tecum adhuc bnf9389.48 v unum vel duos csg51.46 ut in ore duorum testium vel trium stet omne verbum
17 quod si non audierit eos csg48.75 dic ecclesiae si autem bnf17226.67 et ecclesiam non audierit uwb68.46 r sit tibi sicut ethnicus et publicanus
18 amen dico vobis quaecumque alligaveritis super terram erunt ligata et in caelo et quaecumque solveritis super terram erunt soluta et in caelo
19 iterum bsb6573.48 r dico vobis quia si duo ex vobis consenserint super terram de omni re quacumque petierint fiet illis a Patre meo qui in caelis est
20 ubi enim sunt duo vel tres congregati in nomine meo ibi sum in medio eorum
21 tunc accedens Petrus ad eum dixit Domine quotiens peccabit in me frater meus et dimittam ei usque septies
22 dicit illi Iesus non dico tibi usque septies sed usque septuagies septies
23 ideo adsimilatum est regnum caelorum homini regi qui voluit rationem ponere cum servis suis
24 et cum coepisset rationem ponere oblatus est ei unus qui debebat decem milia talenta
25 cum autem non haberet unde redderet iussit eum dominus bsb6573.48 v venundari et uxorem eius et filios et omnia quae habebat uwb1.212 et reddi
26 procidens autem servus ille orabat eum dicens patientiam habe in me et omnia reddam tibi
27 misertus autem dominus servi illius dimisit eum csg48.76 et debitum dimisit ei
28 egressus autem servus ille invenit unum de conservis suis qui debebat ei centum denarios et tenens suffocabat eum dicens redde quod debes
29 et procidens conservus eius rogabat eum dicens patientiam habe in me et omnia reddam tibi
30 ille autem noluit sed abiit et misit eum in carcerem csg51.47 donec redderet debitum
31 videntes autem conservi eius quae fiebant contristati sunt bnf17226.68 valde bsb6573.49 r et venerunt et narraverunt domino suo omnia quae facta erant
32 tunc vocavit illum dominus suus et ait illi serve nequam omne debitum dimisi tibi quoniam rogasti me
33 non ergo oportuit et te misereri conservi tui sicut et ego tui misertus sum
34 et iratus dominus eius tradidit eum tortoribus quoadusque redderet bnf9389.49 v universum debitum
35 sic et Pater meus caelestis faciet vobis si non remiseritis unusquisque fratri suo de cordibus vestris

csg75.703

Hieronymus, Matthaeus, 17 <<<     >>> 19
monumenta.ch > Hieronymus > Matthaeus, 18

© 2006 - 2022 Monumenta Informatik