monumenta.ch > Hieronymus > ad Romanos, 7
Hieronymus, ad Romanos, 6 <<<     >>> 8

Caput 7 HIDE LINKS TO MANUSCRIPTS

bnf107.38 r
1 an ignoratis fratres scientibus enim legem loquor quia lex in homine dominatur quanto tempore vivit
2 nam quae sub viro est mulier vivente viro alligata est legi si autem mortuus fuerit vir soluta est a lege viri
3 igitur vivente viro vocabitur adultera si fuerit cum alio viro si autem mortuus fuerit vir eius liberata est a lege ut non sit adultera si fuerit cum alio viro
4 itaque fratres mei bnf107.36 r et vos mortificati estis legi per corpus Christi ut sicsg68.221tis alterius qui ex mortuis resurrexit ut fructificaremus Deo
5 cum enim essemus in carne passiones peccatorum quae per legem erant operabantur in membris nostris ut fructificarent morti
6 csg75.797 nunc autem soluti sumus a lege morientes in quo detinebamur ita ut serviamus in novitate spiritus et non in vetustate litterae
7 quid ergo dicemus lex peccatum est absit sed peccatum non cognovi nisi per legem nam concupiscentiam nesciebam nisi lex diceret bnf107.37 r non concupisces
8 occasione autem accepta peccatum per mandatum operatum est in me omnem concupiscentiam sine lege enim peccatum mortuum erat
9 ego uwb69.5 r autem vivebam sine lege aliquando sed cum venisset mandatum peccatum revixit
10 ego autem mortuus sum et inventum est mihi mandatum quod erat ad vitam hoc esse ad mortem
11 nam peccatum occasione accepta per mandatum seduxit me et slu145.29 per illud occidit
12 itaque lex quidem sancta et mandatum sanctum et iustum et bonum
13 quod ergo bonum est mihi factum est mors absit sed peccatum ut appareat peccatum per bonum mihi operatum est mortem ut fiat supra modum peccans peccatum per mandatum
14 scimus enim quod lex spiritalis est ego autem carnalis sum venundacsg68.222tus sub peccato
15 quod enim operor non intellego non enim quod volo hoc ago sed quod odi illud facio
16 si autem quod nolo illud facio consentio legi quoniam bona
17 nunc autem iam non ego operor illud sed quod habitat in me bnf107.39 r peccatum
18 scio enim quia non habitat in me hoc est in carne mea bonum nam velle adiacet mihi perficere autem bonum non invenio
19 non enim quod volo bonum hoc facio sed quod nolo malum hoc ago
20 si autem quod nolo illud facio non ego operor illud sed quod habitat in me peccatum
21 invenio igitur legem volenti mihi facere bonum quoniam mihi malum adiacet
22 condelector enim legi Dei secundum interiorem hominem
23 video autem aliam legem in membris meis repugnantem legi mentis meae bnf107.40 r et captivantem me in lege peccati quae est in membris meis
24 infelix ego homo quis me liberabit de corpore mortis huius
25 gratia Dei per Iesum Christum Dominum nostrum igitur ego ipse slu145.30 mente servio legi Dei carne autem legi peccati

uwb12.6

Hieronymus, ad Romanos, 6 <<<     >>> 8
monumenta.ch > Hieronymus > ad Romanos, 7

© 2006 - 2022 Monumenta Informatik